បើតាមសមត្ថកិច្ច បានឱ្យដឹងថា ករណីរថយន្តក្រឡាប់ចាក់ទំនិញចោលនេះ កើតឡើងនៅវេលាម៉ោង ០៤ ៖ ០០នាទី ទៀបភ្លឺ ថ្ងៃទី០៨ ខែមេសា ឆ្នាំ២០២៤ ស្ថិតនៅភូមិបុសស្វាយ ឃុំបុសមន ស្រុករំដួល ខេត្តស្វាយរៀង ។
ប្រភព បន្តថា ករណីនាំឱ្យក្រឡាប់ ដោយសារផ្ទុកទំនិញលើសទម្ងន់ដាក់ខ្ពស់ជាងទ្រុង (កែឆ្នៃទ្រុង) បង្កឱ្យរថយន្តទៅមុខលែងរួចប្រាស់ដេកតែម្តង ។
ប្រភព បន្តថាទៀតថា ទំនិញមានចំនួន ០២ មុខ គឺ៖ ប្រេងឆារាប់រយពីដុងចំណុះ ៣០ លីត្រ និងប្រេងឆាដបតូចរាប់សិបកេះ និងមី រាប់រយកេះផងដែរ ។
បើតាមម្ចាស់រថយន្ត បានឱ្យដឹងថា គេដឹកទៅរាជធានីភ្នំពេញ តែពេលអ្នកសារព័ត៌មានសួរថា ទំនិញនេះជារបស់អ្នកណា គាត់ថាអត់ដឹងទេ គាត់គ្រាន់តែជាអ្នកស៊ីឈ្នួលដឹកឱ្យគេពីច្រកទ្វាព្រំដែនបុសមន ទៅរាជធានីភ្នំពេញ តែប៉ុណ្ណោះ ៕
No comments:
Post a Comment